പിഎസ്‌സിയെ വെട്ടിച്ച് നിയമന നീക്കം; തദ്ദേശ വകുപ്പിൽ ചട്ടങ്ങൾ ലംഘിക്കുന്നതായി പരാതി

തിരുവനന്തപുരം: വികേന്ദ്രീകൃത ഭരണത്തോടുള്ള പ്രതിബദ്ധതയെ ചോദ്യം ചെയ്യുന്ന തരത്തിലുള്ള നിയമന നീക്കങ്ങൾ തദ്ദേശ സ്വയംഭരണ വകുപ്പിന് കീഴിലെ പ്രിൻസിപ്പൽ ഡയറക്ടറേറ്റിൽ നടക്കുന്നതായി റിപ്പോർട്ട്. ഔദ്യോഗികമായ സർക്കാർ അറിയിപ്പോ യോഗ്യരായ ഉന്നത അധികാരികളുടെ അറിവോ ഇല്ലാതെയാണ് ഈ നിയമന പരസ്യങ്ങൾ പുറത്തിറക്കിയിരിക്കുന്നത്. സർക്കാരിൽനിന്നോ ധനകാര്യ വകുപ്പിൽ നിന്നോ ലഭിക്കേണ്ട നിർബന്ധിത അനുമതികൾ കൂടാതെയാണ് ഇത്തരം നീക്കങ്ങൾ അരങ്ങേറുന്നതെന്നാണ് പരാതി.